الرئيسية

إبسم .. عسى تبسم حياتك

شاعر الحبّ

شاعر الحبّ
ترقيم الأبيات
عدد الأبيات 12

قولٍ بدا بَهْ شاعر الحبّ حَسّاس

ما قاله إلّا من على الشِّعر قاوِي

شِعْرٍ تِخالط فيه لولو وألْماس

من يَمّة الأشعار كنَّه نِقاوي

والحِبّ بين الناس أنواع واجناس

شَيٍ صِحيح وشَيّ حِبٍ مِراوي

إخْذ الحِذَر لا تِكشِف السِّرّ للناس

لو كان خِلّك عَ الجِفا صار ناوي

خَلّه ولا تَمشي على دَرب مِنداس

لِمْعامِله يا صاحِبي بالتِّساوي

وخِلِّك مع اللي ربعِتَه تِرفع الراس

اللي يوَثِّق في المحَبَّه عَراوي
00:00
00:00