| ألا يا مرحبا حَيّ بْنِفِيحَه |
| نسيم الشرق لي ياب الجوابِ |
| هَلا به لي عرَف قاصي النصيحه |
| كِريم الأَصل واجدادٍ نجابِ |
| تِمَثّل لي بْتماثيلٍ صِحيحه |
| وكل ما قال لي فيها صوابِ |
| ترى في الناس أجناسٍ شحيحه |
| تخيّل لك غِديرٍ من سرابِ |
| يشوفون الأمور اللي فسيحه |
| بعينٍ حولها ضاق الرحابِ |
| فهيمٍ للملامح والقريحه |
| ولا يخفاك خاطي وْلا صوابِ |
| ولو روُّوك ضِحْضاحٍ وِشيحه |
| فلا يغريك من لك بآينابي |
| لأنّك من هَل الجزلا الفصيحه |
| عِريب العرب عالين الجنابِ |
| شِكيت مْن الهوى حَرّة لِفِيحهْ |
| وإنت بْشوق منسوع الرقابِ |
| خفيف الروح والنفس المليحه |
| يسَلّي من بقلبه لِاكتئابِ |
| عِزيب الريم في قَفْره نزيحه |
| وعين الحر لي في راس نابي |
| له الصقّار لو يرضِف بصيحه |
| غِنِيّ النفس ما حَدَّه ويابِ |
| عِجيد اليازيات اللي سريحه |
| رِعى عِشْب الشوامخ في الروابي |
| سِقى الله دارها يودٍ نِضيحه |
| كِسا لِمْغيب ويسوّي حيابِ |
| وعود الموز والشَّرتا لِفيحه |
| هضيم الكَشح لي زينه عجابِ |
| يصوّب في الهوى ويشفي جريحه |
| يعالج من يصيبه بالحرابِ |
| محبّك لي بشوش ولك نصيحه |
| وبَيَّن لك خفا ما صار غابي |
| تخيّر له طريجه لي تريحه |
| وعن العِذَّال سِرْ به في تغابي |
| خِتَمْت الجيل بابياتٍ صريحه |
| جدا شهمٍ فهيمٍ للجوابِ |
Video Description here