الرئيسية

كنز الجيل

جيل لي عنّيته وياني

جيل لي عنّيته وياني
ترقيم الأبيات
عدد الأبيات 20
جيل لي عنّيته وياني
يا «حمد» بآصوغ لك رَدّه
مثْل لي صابك تِبَلاّني
مَرّ بي في جَزْرَه ومَدّه
المودّه لي لها شانِ
تشغِل المشتاق وِتْحِدّه
كيف تشكي وانت متهاني
في سعادة حِب ومْوَدَّه
الهوى منعش لِمن كانِ
سِعْد يَـ اللي يلحقه مَدّه
الغِضي مَدعُوي لَاعيانِ
لي يْنير البيت من خَدّه
هُوهْ سلطانٍ لسلطاني
يامر بْأَمْرَه ونعْتَمْدَه
الطبيعي عارف الشانِي
خضع لسيده وما يبِدّه
ما يبدّه غير لَاحسانِ
عِنْد من يِهْواه ويوِدّه
يا «حمد» واظب ولا تْواني
في خشوع الحب لك سِعْدَه
00:00
00:00