| حيّ جيلٍ يا بِالَامثالِ |
| عند شهمٍ شخّص وصوفهْ |
| طرّزه وعَنّاه في الحالِ |
| من ذهب ومزيّن حروفهْ |
| بان لي في فَسْره امْسالِ |
| للهوى ومعناه وصروفه |
| الغشــيم يتــابع الــلالِ |
| يقصِدَه ويواجه حسوفه |
| والخبير يجسّ لَاحوالِ |
| قبل لَى يعني لها بلوفه |
| ما يبِدّه صوع واهوالِ |
| يفهم الواقع من يشوفه |
| الملامح تلفِت البالِ |
| للنبيه تْكُون مَعْروفه |
| شخّص الأشيا ولا يْسالِ |
| حذْر عن لا تلحقَه حُوفه |
| للمحبه طِرْقٍ طوالِ |
| عدْلةٍ والبعض محروفه |
| تقصد الأشواق جهّالِ |
| طامس الأعلام مَ تْلُوفه |
| لو تجِدّ وتبغي تنالِ |
| لَاغْلبيه تخسره شوفه |
| للمودّه وَصْف يِنْقالِ |
| ما يْغَتِر عارف ولا يْطُوفه |
| بَشّةٍ من خاطِر الغالي |
| تَنْبِي الغالين ماصوفه |
| الهوى ما فيه مِتْعالي |
| بين لِمْحبِّين مَنْصُوفه |
Video Description here