| حَيّ بْـجِوابٍ يا ومعدود |
| من شاعرٍ له فَن عادات |
| نَظْمَه شرات الدِّر مَشْهود |
| في من يعوقه في «الامارات» |
| مَشْغوف من صافين لِخْدود |
| يا اللي لهم في الخد دَقّات |
| يا اللي نِسَمْهُم نَفْحَة العود |
| يِحْيون ويميتون ساعات |
| والوَقْت مَعْهُم جَنَّة خْلود |
| في منتهى إنس وشراغات |
| لو هو بعيدٍ مَعك موجود |
| قلبك وقلبه قَيّل وبات |
| الوقت عِنْدَه هوب معدود |
| وان مَر عِنْده هبْ خسارات |
| عَساك تِتْهَنّى وْله تْعود |
| ويبشّ لك قلبه براحات |
| ويصافِحك باحلى مِ لِـخْدود |
| من مِبْسَمٍ زاهي بدانات |
| «بوشهاب» مَعنا عنصر وجود |
| بارز وواضح في «الإمارات» |
| يِلْزَم علينا حَقَّه رْدود |
| ياللي ينظّم حلو لَابيات |
Video Description here