| حي من لاقيت في الطاير |
| مرحبا بالزين مع شوفه |
| غرنجيٍّ دايمٍ ذايِر |
| فوق متنه ليّة زلوفه |
| يا هلا باللايف الزاير |
| صوب دار الزين معروفه |
| ويل قلبٍ مِ الوزا داير |
| ونةٍ في اليوف مرضوفه |
| واجفٍ تمّيت انا حاير |
| ليتني دايم انا الوفه |
| لي نظرته هوب مِ الساير |
| محترَم والشين ما يشوفه |
| في بحر وده انا خاير |
| دانة العشاق موصوفه |
| شَعّ نوره من ورا خْداير |
| بو يدايل سمر مسفوفه |
| يا نظير العين وش صاير؟ |
| لا تحاتي شي من حوفه |
| يعل وقتك بالرخا ساير |
| بالهنا دنياك محفوفه |
| المها لي في الفلا ناير |
| زين كشحه عالي ردوفه |
| ودَّه المكتوب بسراير |
| لي عليه الروح معطوفه |
| «بو شهاب» وجِفت متحاير |
| الهير لي طال يا عوفه |
Video Description here