| في داعة اللهِ يَـ المضانينْ |
| يَـ اللي لكم في القلْب مِلْياه |
| سِرْنا وعنكُم هوب سالين |
| نَبْغي وصِلْكُم وين نِلْقاه |
| لو كان في «اليابان» و«االصين» |
| بنْيِيه في اللي هي منَقّاه |
| مامونةٍ تِشْرَى بْـمَلايين |
| يا كِبر حَظّي يوم بَنْصاه |
| بآيِسْتوي لي العيد عيدين |
| ويبِشّ قلبي يوم انا حْذاه |
| زين المعاني ما له اثنين |
| يا ما حلاه بْنَشْوَة صْباه |
| حِلْو المحيّا وبَيَّة العين |
| لي في البشر ما حَدّ شَرواه |
| يا رب مَتّعني به سْنين |
| وْلا تْشَمِّت اعْدايَه ولا اعْداه |
| قُم ثيب يا الدكتور في الحين |
| صَبٍّ يشوقَه شوف مضْناه |
| خابرْك عارف بالقوانين |
| ولِك في الهوى دستور تِقْراه |
Video Description here