| لُو مَا البِشَاشهْ والتّراحيبْ |
| مَا يِيتْ لِكْ مِ البِعدْ عَاني |
| يَا زين يا حِلْو التّراتِيبْ |
| لِي مِحْتِوي حِسنْ ومعَاني |
| تِحْْلَى بك الأيّامْ وِتطّيب |
| وما فِي محلّكْ حَدْ ثَاني |
| مَفْنُوْد عَنْ كِلّ المْحَابيب |
| غَالِي ولا تْيبكْ اَثْماني |
| شُوفك يردّ الرّوح لُو تْغيبْ |
| يَا غَايِتي وْكلّ الأَماني |
| مَحْروز عنْ كلّ الْعَذاريب |
| مَحْشوم عَنْ قَاصي وِدَاني |
| الزّينْ لهْ معْنا مُوايِيبْ |
| وحْقوق تِرْجحْ فِي الْأوْزانِي |
| حشْمة وِتقْدير وِمِطاليب |
| وندْراهْ مِدْراة العَيَاني |
| أصْلَهْ مِن قْرومٍ مذاريب |
| ناسٍ وفيّين الْمعاني |
| يِشْبَهْ عَلى سِيد الْغَراشيب |
| يَا اللّي ترَبّى فِ الاوْطاني |
| مْعَزّل خْصُورهْ مِن الحِيبْ |
| وِيمِيلْ مثْل الخيزَراني |
| يَعلْ هَمّال السَحّاحِيب |
| يَسْقي علَى داره زِماني |
| يَلين تنبتْ بالمعاشيب |
| والغْدِرْ تَزْمِن في المغاني |
Video Description here