الرئيسية

كنز الجيل

لي يحبك تَعْرِف مْسيره

لي يحبك تَعْرِف مْسيره
ترقيم الأبيات
عدد الأبيات 22
لي يحبك تَعْرِف مْسيره
والمعاني لي يسَوّيها
يبتِهِج بك زِدّ عن غيره
وْتِنْشِرح نَفسَه لغاليها
قبل لَا يشرَع بتفسيره
تِلتِمِح في العين طاريها
فرحَة القاصِد وتقديره
عن جَميع الناس مِخفيها
ودّ بانَت لي مِظاهيره
مِنْك لو ما كنْت تَبديها
إنت لي دِعجَه نِواظيره
لي جروح القلْب تَبريها
زين زينِك في تِصاويره
باهِيٍ والنفْس يَشفيها
يَعْل شَخصِكْ ربِّي يْجيره
عن حِسودٍ لك يعاديها
مِن وجودِك تَزهِي الديره
وتِعشِب الأرض ومِفاليها
فرحِتي لو تكون لي سيره
مَعْك في الأرض ونِواحيها
وذا التمَنّي صعب تبريره
لين تِتحَقق مِناويها
00:00
00:00