الرئيسية

كنز الجيل

يا شقا عيني مِن عْيونك

يا شقا عيني مِن عْيونك
ترقيم الأبيات
عدد الأبيات 20
يا شقا عيني مِن عْيونك
يا عيون الريم لي ذايرْ
جيد والمِدمَع يعَرْفونك
ميزتِك بين المها صايِر
يِيت بتْحَمّل صَبِر دونِك
مِ الوزا فِكري أنا حايِر
روف وتْرفّق بمضنونِك
في محبّك لا تْغَدي جايِر
مالَت بْشَرْتا الصِبا فْنونك
والعِجَب في خِصرك الدايِر
واسمَرٍ جاني على مْتونِك
جَلّ من صَوَّر حِسن ثايِر
من عيونك باح مَكنونِك
في هِدَب لِعْيُون والحايِر
غير لا تِلعَب بك ظْنونِك
وانت عندي هوب م الساير
بسّ خِذ قلبي على هونِك
يومْ تِيني بالوَصِل زايِر
خِذ صراحة لي يصافونك
لا تسمَّع عاذِل وشايِر
00:00
00:00