الرئيسية

كنز الجيل

يا نِجيّ الدرّ لي صافي

يا نِجيّ الدرّ لي صافي
ترقيم الأبيات
عدد الأبيات 16
يا نجي الدرّ لي صافي
لي جِنِي من لـجّة بْحوره
فيك حِسْنٍ وافي وضافي
مَرّ وقْتٍ لي وانا ادُورَه
يوم ريتك عند لَاشرافِ
فرْحتي بِكْ ما لها صوره
الخصر والزين لي وافي
منْك ياخذ ذا البَدِر نوره
لو بَشَخِّص فيك لَاوصافِ
مَ احْتِويت الِحسْن ومْهوره
لِكْ عيانٍ نِعْس لَاطْرافِ
حُور بين الغيد مَشْهوره
وان وِطيتْ الأرض لو لافي
إعْشِبَت بالوَرْد وزْهوره
لِك موَدّه باطِن وخافي
عن حسودٍ يلْتِمح صوره
00:00
00:00