| يِعْل نَوٍّ بانَتْ مْزونَهْ |
| يَسْجِيِ الظَفْرهْ ويَرْويها |
| لين يِزْخَر عِشْب بَيْنُونه |
| والغِدر تَسْجي سِواجيها |
| والرَّمِل يَعْشِب وِيَرْعونه |
| والبَدو تزْهي مِبانيها |
| ويَسْتِجيم الغيث في السّونَه |
| شَرْق والوِدْيان يَيْريها |
| والجِبَل تِدَّفَّق رْكونه |
| وْيَـمْلِيِ الجيعان ياريها |
| والغِضي تِتْنَقَّل ظْعُونه |
| لي هْموم القلْب يَشْفيها |
| وِانْ عِرَضْ يَمشي على هونه |
| بِيس بالدِّنْيا وما فِيها |
| هو دِعاها النفْس ممحونه |
| والطبيب اللي يْشافيها |
| محترَم والناس يِحْظونه |
| لي وْصوفَه نافلٍ فيها |
| نَطْقِتَه وِان ياتْ مَوْزونه |
| من صِخاوَةْ نفْس يَفْضيْها |
| والـملاحه فيه مَكْنونه |
| مِن لبُوب الوَشيْ يَكْسيها |
Video Description here